Yan sanda sun kama yan fashin da suka mamaye gidan Ogenyi Onazi (Hotuna)

– Jami’an yan sandan jihar Lagas sunyi nasarar cafke yan fashin da suka yi fashi ga iyalan Ogenyi Onazi

– An cafke yan fashin su hudu a jihar Lagas a yayinda suke gab da siyar da SUV

– Wani da ya san yan gidan da akayi fashi ya fadi gaskiyan cewa shi ya shirya harin a kan yan  gidan

Jami’an yan sandan jihar Lagas sun cafke yan fashin da ake zargin sun kai hari ga Wilson Onazi, mahaifin dan wasan kwallon Super Eagles na tsakiya a gidansa na garin Jos, babban birnin jihar Plateau.

Yan fashi

Kungiyar yan fashi na mutane gudu sun tafi tare da motar sa Toyota Highlander SUV da wasu muhimman abubuwa. Jami’an yan sandan kare hakkin dan adam na yankin Ajagbandi sun kama su ne a lokacin da suke kokarin siyar da SUV din a wani gurin shakatawa (hotel) dake Imoda, yankin Ajagbandi na jihar Lagas.

KU KARANTA KUMA: Hukumar EFCC na tuhamar Patience Jonathan

Yan fashin sun barda kama ne a matsayin ma’aikatan gidan waya yayinda suka kai hari gidan Onazi dake 57A, GRA,, Utan, Jos, inda suka mika masa wasika ta karya kafin su tafi da wayar sa, jaka dake dauke da abubuwansa na sirri, da kuma motar SUV.

Jaridar Vanguard ta rahoto cewa a cikin ikirari da David, wani da ya san yan gidan kuma mamallakin sanannan gurin siyar da kaya a Jos yayi, ya bayyana cewa kudirinsu shine suyi amfani da kudin da suka samu daga SUV din su karkare wannan bikin sallah da aka yi kwanan nan.

Za’a mika masu laifi ga yan sandan jihar Plateau tare da abubuwan da aka samu a jikin su kafin a gurfanar dasu a gaban kotu.

The post Yan sanda sun kama yan fashin da suka mamaye gidan Ogenyi Onazi (Hotuna) appeared first on Nigeria News today & Breaking news | Read Naij.com 24/7.

from Nigeria News today & Breaking news | Read Naij.com 24/7 http://ift.tt/2cONkJ5
via IFTTT